Kryeministri Rama në Parlament ka folur për përdorimin e gazit lotsjellës gjatë protestave të opozitës. Rama ka thënë se përdorimi i gazit është pjesë e protokollit, për të shmangur përplasjen fizike. Duke bërë batuta, ai tha se protestuesit e opozitës janë të vetmit që hipin në pemë dhe në shtylla, ndërsa nuk munguan thumbimet edhe për deputetin e PD-së Myslim Murrizi.
“Bëjnë protesta sa herë të duan, ama ankohen për gazin. Çfarë t’i bëjmë, për t’i prekur nuk i prekim, as gaz nuk duan. Po çfarë duan, t’i bëjmë fresk me palma që të ngremë erën për të marrë pushtetin? Faji jonë është që nuk ka erë për pushtet? Gazi lotsjellës, protokoll uniform në të gjithë vendet, aty ku nuk funksionon, në mes Parisit, Londrës, Athinës, Nju Jorkut, kërcet dajaku. Këtu jo, këtu dajakun e ha policia që rri përballë atje dhe merr gurët, kapsollët, e çfarëdo që të dali përpara plus duhet të ruhet nga lart se mos bie njeri nga pema. Se hipin edhe në pemë, nuk e kuptoj, nuk e marr vesh. Jemi i vendi vend që ka lyer shtyllat me graso, se mos hipin protestuesit. Çfarë lirie duan më shumë? Hipin në çdo pemë, në çdo shtyllë, dalin nga parlamenti, e kthejnë në kotec duke hyrë me vezë, e prapë jemi ne që themi t’ua lëmë një vend, po deshën të ulen në rrugë. Të dëgjojmë edhe Myslim Murrizin këtu, që na tregon lidhjet intime me Oerd Bylykbashin”, u shpreh Rama./Opinion.al
