Duket se nuk ka qetësi për qytetin e Venecias. Sipas mediave një baticë e re e ka goditur duke e çuar nivelin e ujit në 1.6 metra, në ditën e pestë të përmbytjeve.
Dëmet që po sjellin përmbytjet llogariten në kosto me miliona euro. Sheshi i famshëm i ‘Shën Markut’, i konsideruar si një magnet për turistët është mbyllur, ndërkohë që shkollat vijojnë të mbyllura që prej 3 ditësh.
Autobusët e famshëm ujor i qytetit turistik italian ‘vaporetti’ kanë ndaluar së punuari. Niveli më i lartë i ujit u shënua ditën e martë, kur arriti në 1.87 metra dhe diçka e tillë nuk e kishte ndodhur që prej 50 vitesh. Ndër objektet e dëmtuara janë shumë monumente kulturore, biznese dhe shtëpi dhe më shumë se 80% e kanalit në qytet është përmbytur.
Ndërkohë qeveria ka shpallur gjendjen e emergjencës për qytetin e mbrojtur nga Unesco. Personat të cilëve u janë dëmtuar shtëpitë nga përmbytjet do të kompensohen me vlerën e 5.000 eurove ndërsa bizneseve pritet t’u jepen 20.000 kompesim./Opinion.al/
