Opinion.al
Nuk ka rezultat
View All Result
KONTAKT
  • Hyrja
  • Kryesore
  • Aktualitet
    • Politikë
    • Kronikë
    • Sociale
  • Unë shkruaj
  • Komente
  • Bota
  • Sport
  • InstaBIZ
  • OPINION WEB TV
    • Emisionet
    • U tha në Opinion
    • Si u Veshën
  • Life Style
    • Shëndeti
    • Jetë dhe Stil
    • Teknologji
    • Kulturë
Opinion.al
Nuk ka rezultat
View All Result

Basti i fundit i Edi Ramës!

2019/01/12 at 8:34 PM
në Komente, Kryesore
Kohë leximi: 5 min
A A
Basti i fundit i Edi Ramës!

Nga Desada Metaj


Që nga dita kur u propozua si ministër i Jashtëm, Genti Cakaj është shndërruar në personazhin më të përfolur në politikë, media dhe rrjete sociale. 28 vjeçari nga Kosova, ndoshta do e ketë patur të vështirë të përballojë lumin e madh të komenteve, pjesa më e madhe jo dashamirëse ndaj tij. Përtej kësaj, më e rëndë duhet të ketë qenë për një të ri në moshë dhe eksperiencë pune, të përballet me vendimet dhe përplasjet e ashpra mes Presidentit dhe Kryeministrit të një vendi ku ai ka pak ose aspak miq e shokë të vërtetë.

Kjo ndoshta për shkak se nuk ka lindur dhe është rritur në Shqipëri, por dhe për faktin se posti që ai duhet të merrte është kaq i lakmuar dhe i sulmuar edhe brenda vetë PS. Edhe avokatia e vetë Kryeministrit apo e gazetarit Baton Haxhiu, duket se më shumë e kanë dëmtuar se sa ndihmuar zotin Cakaj që të konfigurohet si diplomat i zoti dhe si një i ri që mund të mbajë mbi shpatulla diplomacinë e Shqipërisë.

Përtej vorbullës së asaj që është thënë dhe gatuar për të riun nga Kosova, përtej deklaratave kryeneçe të Presidentit dhe Kryeministrit, mesa duket fshihet dhe basti i fundit që Edi Rama ka vënë për pushtetin e tij. Dhe hera e fundit, ka rreziqe që kreu i maxhorancës i ka llogaritur mirë e që nuk kanë të bëjnë as me “lotët” për mungesën e Gjykatës Kushtetuese, as me betejën politike me opozitën, madje as me përballjen gjysëm teatrale dhe të përsëritur me Presidentin Meta.

Këtë herë, basti i Edi Ramës është me njerëzit e tij brenda grupit parlamentar të PS dhe jo vetëm. Është basti i fundit me veten, si basketbollist mediokër, si piktor i sforcuar dhe tashmë si politikan në mundësinë për të rrënuar apo ringritur imazhin e tij (të paktën tek socialistët që e duan ende). Është basti i hequr në minutat e fundit para ndërrimit të qeverisë e që la pa fjalë e me fytyra të shastisura shumicën e deputetëve rilindas. Askush në sallën ku u lexuan emrat e ministrave të rinj nuk ishte konsultuar, apo së paku informuar se financat e Shqipërisë do të jenë në duart e një gruaje thuajse të panjohur, për të cilën nuk ka asnjë foto apo CV të qartë në internet.

Edhe emri i ministres së re të Arsimit ishte po aq i panjohur,veç faktit që njihej si zëvendës ministrja nga Kosova. Sa për kulturën dhe diplomacinë, besoj se ende shumica e deputetëve të PS nuk i kanë parë live apo të kenë patur mundësi të shkëmbejnë një fjalë me ta. Kjo mënyrë arrogante dhe gati-gati fyese e prezantimit të ministrave të rinj, përballë një grupi parlamentar që ka fituar mazhorancën, nuk mund të zbutej as me emrin e Erion Braçes e aq më pak të Elisa Spiropalit që më mirë se publiku, e dinë vetë socialistët se si i ka drejtuar doganat.

Të ndodhur përballë këtij fakti, si rrallëherë deputetët e një partie të madhe heshtën. Ish-ministrat u fshehën pas mesazheve “ngushëlluese” për njëri-tjetrin e ca të tjerë shfletonin faqet e intrigave të vogla për ministrat e rinj. Por askush nuk foli, as për ata që ikën e aq më pak për të rinjtë që morën detyrën duke sfiduar (ndoshta jo me dëshirën e tyre) emrat e njohur të një partie të madhe që herën e fundit i ka fituar e vetme zgjedhjet parlamentare. Të ndodhur përballë faktit të kryer, disa prej tyre kishin shpresat e vakëta që Cakaj mos të dekretohej e ndonjë skandal i fshehur për ministrat e rinj të publikohej në media.

Në ditët kur opinioni publik ende zien për ndryshimet në qeveri  dhe emrat e ministrave të rinj, socialistët që dy vjet më parë nuk e ndanë me askënd entuziazmin për fitoren e zgjedhjeve heshtën në kor. Me shpresën se një forcë e jashtme, media, opozita apo dikush tjetër me fuqi të shtuara në bashkinë e Tiranës do ta bënte Edi Ramën “të llogariste” dhe deputetët e vet. Duke harruar ndoshta se me këtë mënyrë diabolike dhe talljeje deri diku publike me të zgjedhurit e listës së vet, Edi Rama ka qeverisur dikur ministrinë e Kulturës, Bashkinë e Tiranës e sot e kësaj dite qeverinë. Por nuk mundën deri sa arritën në këtë pikë, socialistët dhe bashkë me ta dhe të tjerë që nuk kanë votuar apo admiruar rilindjen e Edi Ramës, prekën dhe panë disa baste të humbura të kryeministrit.

Edi Rama humbi bastin me studentët, për një protestë që nuk ka fuqinë e ditëve të para por ende ka shkëndija të forta. Më herët atij iu desh të gënjente e më pas të shkarkonte Fatmir Xhafën. Humbi bastin me banorët e Astirit, protesta e të cilëve bëri të mundur zbulimin e skandalit ndoshta më të rëndë të viteve të fundit. Ndërsa kjo me të vetët duket të jetë basti i fundit i një kryeministri që së fundmi ka ditur vetëm të luajë me “humbjen në xhep” dhe të shfaqet si gallataxhi.

Nuk e di a kanë qeshur socialistët, ata që vërtet besojnë ende tek vlerat e vërteta, kur kanë parë drejtuesin e tyre të shfytyruar nga skandalet e njëpasnjëshme duke bërë humor në tv, të ngërdheshur në takimet e stisura me studentët e së fundmi të acaruar në kulm në mbrojtje të ministrit të Jashtëm që nuk ka asnjë avokat në radhët e PS. Që duket të jetë më i pafajshmi në një kohë kur dhe më besnikët e Edi Ramës e kanë të vështirë të bëjnë avokatin e skandaleve dhe kllounadës pa shije që kryeminstri ka zgjedhur të bëjë të paktën këto javë.

Ndaj basti i fundit i Edi Ramës duket të jetë më i vështirë se mbyllja e pikave të basteve nëpër Shqipëri. Sepse kur  ekuilibrat e brishta të pushtetit 6-vjeçar të rrënuar nga skandalet e njëpasnjëshme nisin të lëkunden nga zgjedhjet personale dhe ndikimet familjare, dhe ata që i ke konsideruar si “besnikët” e tu do e kenë zhgënjimin më të madh se dëshirën për të qenë pjesë e një partie që qeveris me njerëz “pa parti”. Dhe shkëlqimin e dëshiruar si sportist dhe artist,vështirë se mund ta gjesh në dy vitet e fundit të mandatit, ku çdo kryeministër ka përjetuar periudhën më të keqe si politikan. Ndaj për sa më lart basti i fundit mund të jetë dhe ai koefiçentin më të ulët në historinë e bastexhinjve të politikës shqiptare./ Opinion.al

Etiketa: Basti i fundit i Ramesdesada metaj


Ju sugjerojmë

Përplasja me Wagner, Ministria e Jashtme njoftim të rëndësishëm për shqiptarët në Rusi
Aktualitet

Tensionet mes Iranit dhe Izraelit, MEPJ: Nuk ka shqiptarë të lënduar!

14 Qershor, 2025 10:07 am
Aksident i rëndë në Lushnje, shtatë persona të plagosur
Aktualitet

Aksident i rëndë në Lushnje, shtatë persona të plagosur

14 Qershor, 2025 8:24 am
Horoskopi ditor, 2 janar 2025
-Jetë dhe Stil

Horoskopi për sot, 14 Qershor 2025

14 Qershor, 2025 8:19 am
Temperaturat e larta, dy qarqet më të rrezikuara nga zjerret sipas IGJEUM
Aktualitet

Parashikimi i motit për ditën e sotme, 14 Qershor 2025

14 Qershor, 2025 8:12 am
Tensionet në Lindjen e Mesme, anulohen fluturimet Tiranë-Tel Aviv
Aktualitet

Tensionet në Lindjen e Mesme, anulohen fluturimet Tiranë-Tel Aviv

13 Qershor, 2025 7:04 pm
Nis operacioni “Plazhe të Pastra”/Ministrja Kumbaro inspekton plazhin e Velipojës
Aktualitet

Nis operacioni “Plazhe të Pastra”/Ministrja Kumbaro inspekton plazhin e Velipojës

13 Qershor, 2025 6:37 pm
Projekti i Kampusit Universitar në Qytet Studenti/Veliaj ndan pamjet:Histori suksesi
Aktualitet

Projekti i Kampusit Universitar në Qytet Studenti/Veliaj ndan pamjet:Histori suksesi

13 Qershor, 2025 6:23 pm
Auto-Skicë
Aktualitet

Seanca plenare në Kuvend do të zhvillohet më 16 qershor

13 Qershor, 2025 5:38 pm
Bie me 1.2% popullsia në Shqipëri, rritet mosha mesatare
Aktualitet

Bie me 1.2% popullsia në Shqipëri, rritet mosha mesatare

13 Qershor, 2025 5:01 pm
Izraeli mbyll të gjitha ambasadat në botë, në listë edhe Tirana
Aktualitet

Izraeli mbyll të gjitha ambasadat në botë, në listë edhe Tirana

13 Qershor, 2025 4:31 pm
Para
Këto janë 3 shenjat e horoskopit që tradhëtohen më së shumti nga partneri

Këto janë 3 shenjat e horoskopit që tradhëtohen më së shumti nga partneri

Emrat/ Kapen dy çanta me drogë në Gjirokastër, arrestohen dy shtetas

Emrat/ Kapen dy çanta me drogë në Gjirokastër, arrestohen dy shtetas

Moderatorja shqiptare bën aksident me makinë,reagimi i saj habit ndjekësit

Moderatorja shqiptare bën aksident me makinë,reagimi i saj habit ndjekësit
















TE FUNDIT

Prokuroria kërkon arrest me burg për ish-presidentin e Urdhrit të Stomatologut

Prokuroria kërkon arrest me burg për ish-presidentin e Urdhrit të Stomatologut
14 Qershor, 2025

Prokuroria e Tiranës ka kërkuar masën e sigurisë “arrest me burg” për ish-presidentin e Urdhrit të Stomatologut, Nikoll Deda, i...

Lexo më shumë

Çadra e shezlonge falas në Vlorë, Dredha: Sfidë këtë sezon, pastërtia e ujit

Çadra e shezlonge falas në Vlorë, Dredha: Sfidë këtë sezon, pastërtia e ujit
14 Qershor, 2025

Edhe këtë vit bashkia e Vlorës do të ofrojë çadra dhe shezlongë falas për pushuesit. Ato janë vendosur në bregdet...

Lexo më shumë

Papa Leo XIV apel Izraelit dhe Iranit: Përgjegjësi dhe arsye!

Papa Leo XIV apel Izraelit dhe Iranit: Përgjegjësi dhe arsye!
14 Qershor, 2025

Papa Leo VIV ka reaguar mesditën e sotme lidhur me tensionet dhe përplasjet mes Izraelit dhe Iranit. “Në këto ditë,...

Lexo më shumë

U ekstradua nga Dubai, GJKKO lë në burg vëllain e Nuredin Dumanit

U ekstradua nga Dubai, GJKKO lë në burg vëllain e Nuredin Dumanit
14 Qershor, 2025

Gjykata e Posaçme kundër Korrupsionit dhe Krimit të Organizuar ka lënë në fuqi masën e sigurisë “arrest në burg” për...

Lexo më shumë
Opinion.al

Kategoritë

Kryesore

Aktualitet

Unë Shkruaj

Komente

Bota 

Sport 

Instabiz

Opinion Web Tv

Lifestyle

Galeri

Rreth Nesh

ON AIR: E hene – E marte – E merkure – 22:15 E ejnte – 21:00

OPINION nga Blendi Fevziu. Emisioni politik me i ndjekur dhe me i preferuar ne ekranet shqiptare.
“Opinion” vjen ne kater takime cdo jave – e hene, e marte, e merkure dhe takimi tradicional i te ejntes mbrema.
Cdo jave ne studion e Tv Klan, komente, analiza, debate, komente, intervista, personazhe, deshmi dhe fakte konkrete. Ngjarjet me te fundit dhe me te rendesishme ne jeten politike dhe sociale te vendit, me debatet, opinionet dhe analizat e te ftuarve ne studio.
Salloni i politikes dhe aktualitetit hap dyert 4 mbremje ne jave, per te degjuar opinionet e politikaneve dhe analisteve. Padron i shtepise, gazetari dhe analisti Blendi Fevziu.

Të gjitha të drejtat e rezervuara Opinion ©2025
Dev By Techzero1.com

Nuk ka rezultat
View All Result
  • Hyrja
  • Kryesore
  • Aktualitet
    • Politikë
    • Kronikë
    • Sociale
  • Unë shkruaj
  • Komente
  • Bota
  • Sport
  • InstaBIZ
  • OPINION WEB TV
    • Emisionet
    • U tha në Opinion
    • Si u Veshën
  • Life Style
    • Shëndeti
    • Jetë dhe Stil
    • Teknologji
    • Kulturë

Të gjitha të drejtat e rezervuara Opinion ©2025
Dev By Techzero1.com