Teuta nuk ka mundur ta çojë deri në fund mrekullinë në Ligën Ballkanike. Pasi fitoi ndaj skuadrës bullgare Beroes me rezultatin 80-68 në gjysmëfinale, ekipi durrsak u mund në ndeshjen finale nga maqedonasit e Blokoteknës.
Megjithëse në periodën e katërt u duk se Teuta “u zgjua” duke qenë më e saktë dhe duke fituar 23-12, ishte tepër vonë dhe ndeshja u mbyll me rezultatin final 82-68.
Është kjo një humbje që gjithsesi nuk ia zbeh meritat skuadrës së Teutës për të cilën edhe kjo medalje e argjendtë është një sukses i rëndësishëm pasi tregon formën mjaft të mirë të shfaqur në këtë eveniment./Opinion.al
