Deputetja e PD-së, Grida Duma është shprehur se për bashkimin e PD nuk duhet të vihen as kushte paraprake dhe as përjashtime.
Ajo u shpreh se duhet që të ketë një bisedë të gjerë me një grup që përfaqëson të gjitha qëndrimet lidhur me rezolutën që kushtëzonte prezencën e Bershës nga forumet e larta të partisë.
Sa i përket pyetjes nëse duhet përfshirë edhe Berisha në këtë grup ku do të diskutohet, Duma tha se “padiskutim mund të jetë kushdo në atë grup”.
A ka më nevojë që të ketë më kushte si ajo që doli pas mbledhjes së grupit parlamentar, rezoluta që kushtëzonte prezencën e zotit Berisha në forumet e larta të partisë.
Grida Duma: Nuk ka pasur një dakordësi të grupit parlamentar. Nuk e pranoj fare të thuhet që ky ka qenë qëndrimi i grupit parlamentar zyrtar. Kemi qenë shumë luajalë edhe ditën që kemi bërë takimin ndërkohë që Basha nuk ishte dorëhequr ende, kur e kemi lënë që vendimi të ishte i dakordësuar me 99%, se ndoshta ndokush për arsye vetjake edhe mund të mungojë. Tani vendim grupi kur nuk është gjysma e grupit së paku nuk ka. E dyta, jo, nuk mund të ketë kushte kur kërkojmë bashkim. Ka vetëm negociatë, bisedë, rënie dakord dhe pas asaj mund të kemi rrethanat në të cilat realizohet bashkimi. Kusht edhe negociatë nuk mund të ketë, kushte paraprake dhe pastaj të ketë negociatë. Negociata prodhon rrethanat e reja dhe ato duhet të prodhojnë bashkimin.
A duhet të anulohet vendimi për përjashtimin e zotit Berisha apo anëtarët e tjerë të Komisionit të Rithemelimit?
Grida Duma: Them që duhet bërë një bisedë e gjerë, e thellë, me një grup i cili përfaqëson të gjitha qëndrimet. Aty le të ridiskutohen që të gjitha.
Përfshirë dhe zotin Berisha?
Grida Duma: Padiskutim mund të jetë kushdo në atë grup. Nuk ka asnjë arsye që të kemi frikë nga asgjë./Opinion.al
