Politikë

“Bashkim kauzash”, Vetëvendoja njofton marshim më 28 Nëntor në Tiranë


               Publikuar në : 16:45 - 09/11/19 |
Al Do

Qendra e Lëvizjes Vetëvendosje në Tiranë e ka cilësuar 28 Nëntorin “një projekt të pazbatuar” dhe për këtë arsye kanë njoftuar se në këtë datë do të mbajnë një “marshim për bashkim” që zhvillohet në ora 12:00, nga Monumenti i “Gjergj Kastriot Skënderbeut” te monumenti i “Adem Jasharit” në Tiranë.

Sipas njoftimit të Vetëvendosjes ky marshim do të ketë si qëllim ngritjen e kauzës së çështjes kombëtare duke bërë thirrje për bashkim të kauzave drejt integrimit kombëtar.

“Shqiptarët nuk janë të bashkuar dhe Shqipëria nuk është e begatë” shkruhet në njoftim dhe për këtë arsye duhet “të ecet me hapa konkretë integrues, mes Shqipërisë e Kosovës” gjë që do të sjellë “ rritje cilësore të demokracinë, do të zhvillojë ekonominë, do të forcojë shtet-formimin, dhe do të përmirësojë ndjeshëm pozitën e shqiptarëve autoktonë në trojet e tjera dhe të atyre që jetojnë në mërgim”. /Opinion.al

Pas