Me qindra qytetarë të Tiranës, kryesisht çifte të reja aplikuan gjatë muajit Maj për një kredi të butë për shtëpi pranë Bashkisë së Tiranës. Ndryshe nga pritej emrat e fituesve nuk do të shpallen këtë muaj por janë shtyrë për në fund të verës.
Lajmin e tha Kryetari Erion Veliaj i cili deklaroi se: Kemi pasur mijëra aplikime dhe në fund të verës do të kemi rezultatet finale, si ne, si banka, për të paktën 1000-1500 apartamente të reja në ndihmë të atyre që sapo kanë krijuar një familje në Tiranë. Besoj se edhe në këtë stacion shumë të rëndësishëm të jetës, Bashkia e Tiranës është aty për t’i dhënë një dorë dikujt që me të drejtë, ashtu siç e thotë edhe Edi Rama, e shohin Tiranën si një mini-Amerikë”.
Nuk dihet një shifër e saktë e qytetarëve që kanë aplikuar, por vetë bashkia ka deklaruar më herët se numri i aplikantëve është shumë herë më i madh se numri i atyre që do të shpallen fitues.
Kreditë e buta kanë qenë një praktikë e kahershme e Bashkisë së Tiranës që në kohën kur drejtohej nga Rama ashtu edhe në kohën e Bashës, por vihet e fundit u bllokuan me argumentin se janë bërë abuzime. Pra, e kanë marrë njerëz që nuk ishin në nevoja ekonomike. Ky bllokim çoi edhe në bum aplikimesh gjatë muajit Maj të këtij viti pranë Bashkinë e Tiranës. /Opinion.al
