Një tregtar nga Kuçova i cili tregtonte mallra me furgonin e tij, ka kërcënuar ditën e sotme se do të vetëflijohet, pasi Bashkia ia kishte ndaluar të ushtronte aktivitetin e tij.
Spiro Suli, 48 vjeç, baba i tre fëmijëve, ka dalë në shenjë proteste para bashkisë së Kuçovës, dhe pasi e ka lyer veten me benzinë, ka kërcënuar se do të vetëdigjej.
Pasi ka qëndruar për mbi 10 minuta në këtë gjendje, forcat e rendit kanë ndërhyrë duke negociuar me 48-vjeçarin. Pas disa minutave ata kanë mundur të bindin Spiro Sulin që të heqë dorë nga akti ekstrem.
Tregtari Suli kishte një licencë për shitjen me pakicë të frutave dhe perimeve, por së fundmi atij i ishte ndaluar nga ana e Bashkisë, ushtrimi i këtij aktiviteti./beratinews
