Shkollë, kopësht dhe qender të re komunitare për zonën më të varfër të Tiranës, Bregun e Lumit. Siç e dëshmojnë dhe këto foto të publikuara nga bashkia tashmë fëmijët e këtij komuniteti do të mësojnë në kushte optimale.
Punimet për ndërtimin e kësaj qendre u inspektuan nga kryetari i Bashkisë së Tiranës, Erion Veliaj dhe deputetja e PS, Blerina Gjylameti.
Veliaj nuk ka lënë pa përmendur Bashën, teksa pa nga afër punimet në këtë shkollë. Ai tha se kur ishte kryetar Bashkie ai nuk bëri asnjë punë, ndaj nuk të jetë kryeministër.
“Nëse dikush nuk ka bërë punë dhe për këtë arsye nuk ka çfarë ofron e nuk do të vijë në zgjedhje, kjo nuk duhet të jetë problem dhe dramë e të gjithë qytetarëve shqiptarë. Ama, kush ka bërë punë dhe kush do të bëjë akoma më shumë punë, duhet të paraqesë ofertën e vet në datë 18 qershor “, tha Veliaj.
“E mirëkuptoj pse dikush është në çadër, pse nuk bëri dot një punë në Tiranë, le më të marrë përsipër të bëjë punë në Shqipëri. Është shumë e rëndësishme që karvani të ecë përpara dhe është shumë e rëndësishme që të gjithë ata qytetarë që në fund të ditës presin përgjigje në çfarë shkolle do i çojnë fëmijët, në çfarë çerdhe, kush do t’i ndihmojë në ditën e tyre të nevojës, ne t’i kemi përgjigjet. I kemi përgjigjet dhe do të jemi aty me një ofertë politike për punë konkrete, kurse për llafe duhet të gjejnë dikë tjetër”, theksoi Veliaj.
/Opinion.al
