Ministria e Financave ka reaguar pas lajmit të publikuar në Opinion.al se punonjës të bashkisë së Lezhës kanë disa muaj pa marrë pagat. Përmes një deklaratë të mbërritur në redaksinë tonë, ministria e drejtuar nga Arben Ahmetaj shkruan se “Bashkia e Lezhës nuk ka ditur të menaxhojë financat e saj dhe nuk ka patur asnjë bllokim prej nesh”.
Më poshtë deklarata e plotë e Ministrisë së Financave dhe Ekonomisë
Bashkia Lezhë nuk është penguar nga Ministria e Financave dhe Ekonomisë për të paguar punonjësit e saj. Kjo Bashki që nga muaji Gusht 2017 ka pasur probleme të medha me mbledhjen e të ardhurave dhe kjo ka qenë arsyeja qe bashkia mund të ketë vonuar pagat e punonjesve te saj.
Ministria e Financave dhe Ekonomisë gjatë muajit Dhjetor 2017, ka monitoruar përdorimin e Cash-it dhe asnjë punonjës vendor apo qendror nuk ka mbetur pa pagë si pasoje e ketij monitorimi.
Bashkia Lezhe ka probleme me menaxhimin e brendshëm financiar dhe sipas ligjit të ri per financat vendore gjatë vitit 2018 do ti nenshtrohet nje diagnostifikimi të kësaj gjendje duke nxjerr dhe pergjegjësit përkates.
Bashkëlidhur shkrimi i Opinion.al
Festat nuk shkojnë në Bashkinë Lezhë, 1 mijë punëtorë janë pa paga
