Në kuadër të situatës së krijuar nga koronavirusi, Këshilli Bashkiak i Durrësit ka miratuar shtyrjen e afatit me dy muaj të pagesave të qirave për familjet që jetojnë në banesa sociale.
Detyrimi i prapambetur i këtyre dy muajve do të paguhet nga qiramarrësi, në mënyrë proporcionale për periudhën e mbetur të vitit 2020.
Në mbledhjen online, këshilli bashkiak miratoi edhe shtyrjen e afatit të pagesës së tarifave vendore nga data 20 Prill 2020, për në datën 30 Qershor 2020 për të gjitha aktivitetet e mbyllura në zbatim të Urdhërit nr.193, datë 20.03.2020 të Ministrise së Shëndetësisë dhe Mbrojtjes Sociale “Për kufizimin apo mbylljen e lëvizjeve në Republikën e Shqipërisë”./ Opinion.al
