Deputeti, Kujtim Gjuzi ka mohuar akuzat e bashkëshortes së tij, e cila pretendon se Gjuzi ka ushtruar dhunë mbi të dhe djalin e tyre 16 vjeçar.
Kreu i Partisë Konservatore, deklaroi se në 17 vite bashkëjetesë me bashkëshorten nuk ka pasur asnjë rast dhune, madje sipas tij ai i ka dhuruar trëndafila një herë në muaj. Duke fajësuar intonacionin por dhe kunatat e tij, Gjuzi shton se nëse dikush tenton të ndërhyjë deri në shkatërrimin e familjes apo të firmës së tij, ai bëhet drastik.
“Në 17 vite të jetesës sime me bashkëshorten nuk ka asnjë rast, përveçse dhuruar trëndafila një herë në muaj dhe jo pak 17 copë dhe nuk ka asnjë rast, përveç intonacionit tim. Nëse dikush nga motrat, kunatat se me qenë i thonë kuditat, vjen, tenton të ndërhyjë deri në shkatërrimin e familjes sime apo të firmës, unë aty jam drastik për të mbrojtur familjen time. Nuk kam ushtruar kurrë dhunë dhe nuk kërkoj kurrë falje për një gjë që nuk e kam bërë, nuk e bëj dhe nuk e lejoj bashkëshorten time të më thotë mua më fal sepse nuk ka shans që ta fal nëse ke kaluar rrethin e unazës. Nuk kam ushtruar dhunë në mënyrë absolute ndaj djalit dhe gruas sime.”- u shpreh Gjuzi në “Shqipëria Live”.
Më tej, Gjuzi sqaroi se i biri është nën ndikimin e nënës së tij por shtoi se ai nuk ka ndërmend të hapë rrugë kollaj pasi është “tirons”.
“Ka një vendim për urdhër mbrojtje, posi. Divorci ka kohën e vet, detyrimet e veta. Për të ushtruar presion më të madh mbi mua më dërgojnë pa prova, ka zero prova. Duhet të qëndroj 200 metra larg bashkëshortes dhe djalit. Djali në këto momente është nën ndikimin nënës. E falënderoj nënën e tij, e ka mbajtur 9 muaj në bark patjetër. Le ta ketë ndikimin. Është në moshë të mitur, 16 vjeç. Në atë moshë kam marrë vendim më të fortë se ai. Por djali im është gjysmë shkodran, do të thotë gjysmë aristokrat. Ju e dini se çfarë kam thënë unë për tironsit, nuk hapin rrugë kollaj, qoftë edhe për një mur.”, shpjegoi ai./Opinion.al
