Bukuroshja shqiptare dhe bashkëshorti i saj, Tolgahan Sayisman kanë qenë të ftuar në një emision turk, në të cilin kënduan të dy shqip.
Sipas video-ve të publikuara në rrjetet sociale, duket se ata të dy kanë kënaqur publikun me këngën e njohur ‘Më jep një pikë ujë’ dhe e kanë shijuar atmosferën.
Almeda këndonte pjesën më të madhe të këngës, ndërsa Tolgahan e shoqëronte në fraza të lehta, pa patur aspak vështirësi në shqiptim.
Ata ishin të ftuar në emisionin Beyaz Show, ku u rrëfyen për jetën e tyre personale si dhe për karrierën e suksesshme të aktorit të njohur turk.
Para pak kohësh, Almeda u bë pjesë e familjes Sayisman duke u bërë edhe më e njohur për popullin turk.
