Arrestohet një 26-vjeçare, e dyshuar si bashkëpunëtore në vrasjen e shtetasit Hekuran Billës.
Dyshohet se e reja Adjola Lakra, banuese në Tiranë është bashkëpunëtore në atentatin e ndodhur ndaj Billës mbrëmjen e 11 qershorit.
Deri më tani, për ngjarjen në fjalë janë arrestuar edhe dy persona të tjerë, Viktor Marku dhe Sebastian Mali, përkatësisht dajë e nip.
Gjithashtu, në vijim të kontrolleve të shumta për zbardhjen e kësaj ngjarjeje është vënë në pranga për veprën penale “Armëmbajtja pa leje”, shtetasi A. A. , të cilit i është gjendur dhe sekuestruar një armë zjarri tip pistoletë me një krehër 7 fishekë.
I dyshuar kryesor i ekzekutimit, është Viktor Marku, vëllai i Prel Markut, i cili është vrarë nga Billa në vitin 2006 në Angli. Për vrasjen e Markut dhe plagosjen e tre personave të tjerë, gjykata angleze e kishte dënuar Billën me burgim të përjetshëm.
Por në vitin 2013, ai u ekstradua drejt Shqipërisë ku nisi përballjen me drejtësinë e vendit tonë. Billa arriti të dalë nga burgu në vitin 2019, pasi fitoi disa ulje dënimi radhazi./Opinion.al
