Valentina Markut, shqiptarja që po promovon mundësi të reja bashkëpunimi mes Shqipërisë dhe Emirateve të Bashkuara Arabe ka folur në emisionin “Opinion” në lidhje me zhvillimin e bizneseve.
Marku thotë ka arritur të krijojë lidhje mes kompanive nga Ballakni me ato që ndodhen në Abu Dhabi, duke krijuar jo vetëm zhvillime të projekteve, por edhe rritje të vet kompanive.
“Besoj se në shqiptarët e kime pak në ADN që të bashkohemi. Ideja është kjo që kam treguar kapacitetin se kam sjellë kompanitë nga Ballkani dhe t’u tregojmë dhomave të tregtisë se çfarë të promovojnë të produktet e tyre. Mendohet që kompanitë janë të vogla, por së bashku bëhen më të mëdha. Ato që nuk janë gjigande në Shqipëri mund të bëhen partnere dhe të bëhen gjigande”-, tha Marku.
Valentina Markut sqaron se bizneset seleksionohen në varësi edhe të punës në të cilën ato operojnë duke krijuar ura bashkëpunimi me kompanitë në Abu Dhabi.
“Jo të gjitha bizneset mund të shkojnë në të njëjtin institucion, pasi zonat janë të ndara”,-shprehet Marku.
Ajo vlerëson edhe bashkëpunimin e Emirateve të Bashkuara Arabe me Shqipërinë, duke theksuar se ky bashkëpunim ndihmon edhe biznesin.
“Shteti shqiptar ka arritur të bëjë marrëveshje shumë të mira dhe marrëdhënia midis shtetve ka kaluar edhe në një nivel tjetër,”-tha Marku.
