GJKKO ka vendosur masën e sigurisë “arrest me burg “ për Artur Ballën dhe Bledar Lilon, të akuzuar për pastrim parash.
Lilo ka kërkuar lirimin e tij të menjëhershëm duke thënë se nuk ka lidhje me ngjarjen, pasi është vetëm një shofer.
Ndërkohë, Balla ka kërkuar një masë më të butë, arrest në shtëpi. Po ashtu, avokatët e Lilo dhe Ballës kanë kërkuar që t’iu vihen në dispozicion materialet nga SPAK, pasi 18 milionë eurot kanë mbërritur nëpërmjet bankave dhe se po të vinin nga bota e krimit do të ishin ndaluar në Zvicër.
Balla dhe Lilo janë bashkëpunëtorë të biznesmenit të hidrokarbureve Rezart Taçi. Ky i fundit në kërkim ndërkombëtar për të njëjtat akuza në kuadër të grupit kriminal.
