Kronikë

Bashkëjetonte me një 13-vjeçare, ndalohet i riu shqiptar në Prishtinë


Bëhu pjesë e Grupit Zyrtar të Opinion.al
>> KËTU <<
               Publikuar në : 17:16 - 19/08/20 |
el ida

Policia e Kosovës ka ushtruar kontroll në dy shtëpi në Prishtinë, ku kishte marrë informacione se trafikohen qenie njerëzore dhe ka gjetur 26 persona kryesisht me lidhje familjare, mes tyre dhe 13 fëmijë

Sikurse njofton policia, këta persona vinin nga Shqipëria dhe pasi janë trajtuar nga Drejtoria për Migrim dhe të Huaj, janë kthyer në vendin tonë.

“Policia e Kosovës, gjegjësisht: Sektori Qendror për Hetimin e Trafikimit me Qenie Njerëzore dhe Drejtoria për Migrim dhe të Huaj, të përkrahur nga zyrtarë të Qendrës për Punë Sociale-Prishtinë, më 18.08.2020, me urdhër të gjykatës kanë kontrolluar dy lokacioneve (shtëpi) në Prishtinë, me qëllim të verifikimit të informacioneve se në ato shtëpi qëndrojnë disa shtetas të huaj, të cilët mund të ishin viktima potenciale të trafikimit me qenie njerëzore. Policia, në ato dy lokacione ka hasur në 26 (njëzet e gjashtë) persona, prej tyre 13 fëmijë, të cilët ishin kryesisht në lidhje familjare dhe vinin nga Shqipëria”, njofton policia kosovare.

Po ashtu, policia ka bërë të ditur se në mesin e këtyre personave është ndaluar një 21-vjeçar nga Shqipëria i cili bashkëjetonte me një 13-vjeçare nga Greqia.

“Në mesin e këtyre personave është hasur edhe i dyshuari M.S. (viti i lindje 1999) shtetas i Shqipërisë, i cili ishte duke bashkëjetuar me një shtetase të Greqisë të moshës 13 vjeçare. Policia në konsultim me prokuroren e rastit ka iniciuar veprën penale ‘bashkësia jashtëmartesore me personin nën moshën gjashtëmbëdhjetë vjet’. I dyshuari është ndaluar për 48 orë, ndërsa viktimës i është ofruar strehim dhe trajtim sipas Proceduarve Standarde Vepruese të Drejtorisë për Hetimin e Trafikimit me Qenie Njerëzore. Po ashtu, përmes ILEC-ut është njoftuar zyra greke në Prishtinë për shtetasen e tyre”, thuhet në njoftimin e policisë./Opinion.al

Pas