Aktualitet

Basha:Nuk shquhem për tone të forta, çfarë kam thënë e kam bërë realitet


Bëhu pjesë e Grupit Zyrtar të Opinion.al
>> KËTU <<
               Publikuar në : 16:01 - 09/04/21 |
Opi Nion

Kryedemokrati Lulzim Basha ka prezantuar ditën e sotme nga sheshi ku ishte Teatri Kombëtar, programin e Partisë Demokratike për artin dhe kulturën.

Basha ka përsëritur premtimin e tij për të gjithë aktorët se shumë shpejt do ta ndërtojë sërish Teatrin Kombëtar, teksa sipas tij të gjithë ata që u përfshinë në prishjen e këtij objekti do të dënohen.

Ndër të tjera Basha ka thënë se nuk shquhet për tone të forta, por çfarë ka thënë deri tani është bërë realitet.

“Ata që e shembën, bëjnë gabimin e jetës së tyre nëse mendojnë se beteja mbaroi. Bëjnë gabimin e tyre nëse nënvlerësojnë nënshkrimin tim. Unë nuk shquhem për tone të forta, as për metafora agresive, por çfarë kam nënshkruar e kam bërë realitet. Po ju them sot, se ky simbol nuk do të jetë thjesht një ngacmues i emocionit të dhimbjes për natën e errët të 17 Majit, por do të jetë kujtuesi i përditshëm dhe i përnatshëm deri sa teatri të ringrihet siç ishte, aty ku ishte… Dua t’ju them atyre që u vërsulën mbi këtë vepër dhe mbi artistët brenda dhe rreth kësaj vepre, nënshkrimi im nuk parashikon vetëm ringritjen e teatrit aty ku ishte, ashtu siç ishte, por edhe çuarjen para drejtësisë të gjithsecilit që mori pjesë në atë krim, nga urdhëruesi, tek zbatuesit do të mbajnë përgjegjësi para ligjit”.- tha ndër të tjera Basha.

Kujtojmë që ditën e sotme para prezantimit kreu i PD-së Basha ka marrë si dhuratë maketin e Teatrit Kombëtar e cila iu dha nga Robert Budina./Opinion.al

Pas