Kryedemokrati Lulzim Basha ka reaguar pas takimeve të zhvilluara ditën e sotme me kreun e PDIU, Shpëtim Idrizi dhe kreun e PR, Fatmir Mediu.
Përmes një postimi në “Facebook”, Basha shkruan se tashmë Shqipëria ka ngelur në vendnumëro si në fushën e ekonomisë, shëndetësisë, turizmit dhe në marrëdhëniet ndërkombëtare.
Më tej, kreu i PD shkruan; “Ne kemi plane pune serioze që do të sjellin një të ardhme më të mirë për të gjithë qytetarët shqiptarë.”
Kujtojmë se PD si me PDIU dhe me PR nuk ka arritur një marrëveshje konkrete, por në parim është arritur darkordësimi që opozita të shkojë e bashkuar në zgjedhjet e 25 prillit.
Reagimi
Të gjithë e dinë tashmë që Shqipëria ka ngecur në vendnumëro me Ramën për 8 vjet rresht dhe kjo është arsyeja pse nuk kemi sukses në asnjë fushë – as në ekonomi, as në shëndetësi, as në turizëm, as në marrëdhëniet ndërkombëtare. Shqipëria nuk mund të ngecë në vend dhe për katër vjet të tjera me Ramën.
Ka ardhur koha për ndryshim, sepse ata që e zhytën Shqipërinë në baltë nuk mund ta çojnë atë drejt suksesit.
Ne kemi plane pune serioze që do të sjellin një të ardhme më të mirë për të gjithë qytetarët shqiptarë. Më 25 prill Rama do të humbasë dhe Shqipëria do të fitojë!
