TIRANE- “Në Tiranë dhe Durrës është krijuar shteti Rama-Tahiri-Shullazi, që terrorizon grabit e kërcënon më armë biznesmenët, qytetarët, e deri tek akademikët”. Kështu u shpreh Lulzim Basha në një deklaratë me tone të ashpra.
“Gjithë Tirana e di, tani po e merr vesh gjithë Shqipëria si bëhesh pronar, pasanik në shtetin Rama Tahiri Shullazi, duke grabitur me armë në dorë, duke kërcënuar qytetarët, biznesmenët, nëpunësit, o pronën o plumbin.” deklaroi lideri i PD-së.
Sipas tij, kryeministri doli sot përpara mediave, në përpjekjen e fundit për të inkurajuar Shullazin, por s’ka gomardare shpëtimi për të.
“Edi Rama dhe Tahiri janë në zi dhe në tmerr. Asnjë fjalë nuk kanë thënë në mbështetje të prokurorisë. Sot me atë palo dalje para medias, i lodhur nga gënjeshtrat e veta, por gomardare shpëtimi për të nuk ka. Hija e Shullazit është e stampuar në fytyrën e tij. Vollga është monumenti kriminal i vendit ku Edi Rama ka dorën e tij, Vollga është simboli i rënies së shtetit. Janë dhjetëra biznesmenë që kanë paguar haraçin tek ky bandit. Nuk do ndodhte kjo nëse Shullazi nuk do kishte mbështetjen e Ramës.” deklaroi Basha.
