Nënkryetarja përgjegjëse për marrëdhëniet me shoqërinë civile në PD, Grida Duma e cilëson akt të madh i lidershipi përjashtimin e Sali Berishës nga Grupi Parlamentar i PD.
Gjatë një interviste në “Abc News”, Duma tha se Basha e mori i vetëm këtë vendim për të shmangur përçarjet në PD, pasi nëse do t’i kërkohej çdo demokrati që të jepte mendimin e tij, do të goditej një akt lidershipi moral.
“PD është aset për të çuar Shqipërinë në të ardhmen e vet euroatlantike. Padyshim që askush nuk do ta lejoja unë e para, nuk ka guximin të mohojë të vërtetën faktike të të kaluarës së PD-së. Sali Berisha ka vendin e vet të lavdisë. Gjithkush ka misionin ta çojë të ardhmen historike drejt perëndimit….Deri më sot, nuk kam dëgjuar të analizohet mirë se çfarë ka ndodhur si akt vendimarrës për PD. Nëse do kërkohej që secili nga ne të jepte mendimet, ai akt lidershipi, i vështirë, traumatik për Bashën që tha që iu deshën tre muaj për të lobuar… nëse do të mbanim qëndrime personale do të godisja një akt liderishpi moral.”
