Nga Durrësi , Lulzim Basha ka folur lidhur me situatën e krijuar në PD, pas përplasjeve të tij me Sali Berishën, ndërsa u ka shtrirë dorën demokratëve për t’u kthyer në shtëpinë e lirisë, sikurse tha ai.
Ndërsa theksoi edhe një herë se beteja e Berishës bëhet për interesa të tij personale, Basha tha se këtë tollovi do ta përfundojë shumë shpejt.
“Ne do ta përfundojmë shumë shpejt këtë tollovi të ngritur për hall të një njeriu duke u ndarë përfundimisht nga e shkuara. Por duke e shtrirë dorën ndaj demokartëve të ndershëm që ishin të mërzitur edhe nga masakra zgjedhore e 25 Prillit, dhe atyre që këto 5, 15 apo 20 vjet kanë qëndruar larg, nga të përndjekurit, tek pronarët dhe rinia, u themi ejani përsëri, kthehuni në shtëpinë e lirisë nuk ka asnjë të tepërt në shtëpinë e demokratave”, u shpreh Basha./Opinion.al
