Kreu i Grupit Parlamentar të Partisë Demokratike Gazment Bardhi ka reaguar pasi Lulzim Basha u rizgjodh sërish në krye të partisë Demokratiike. Me ironi Bardhi shkruan: “Çfarë surprize. Sapo mbërriti në aeroport kurora e “Mbetit të Mbretërisë së Bashkuar” P.s: Statusi s’ka lidhje me asnjë ngjarje joekzistente! Pushime të mbara!”.
Basha u rizgjodh sot në krye të PD me 16 196 vota, në një proces zgjedhor të organizuar nga mbështetësit e tij, ku votuan vetëm 8 deputetë demokratë.
Mësohet se pjesëmarrës kanë qenë vetëm Kreshnik Çollaku, Eralda Bano, Merita Bakiu, Flutura Açka, Orjola Pampuri, Arbi Agalliu, Enkelejd Alibeaj dhe Selaudin Jakupllari.
Të gjithë deputetët e tjerë të PD, e kanë bojkotuar këtë proces, duke e konsideruar si anti-statutor dhe kanë mbështetur vendimin e Këshillit Kombëtar të PD për anullimin e zgjedhjeve./Opinion.al
