Kryetari i Partisë Demokratike, Lulzim Basha ka treguar takimin që zhvilloi me delegacionin e Parlamentit Europian. Sipas tij problemi më i madh që kishte gjatë këtij takimi me eurodeputetët ishte keqinformimi që qeveria kishte bërë për situatën.
“Folëm hapur dhe shkoqur me miqtë tanë”, theksoi Basha, ndërsa në krah të tij ishin aleatët. Kryedemokrati tha se e vetmja zgjidhje është një qeveri tranzitore, zgjedhje të lira e të ndershme që sipas tij do t’i kthejë legjitimitetin institucioneve.
I pyetur nga gazetarët nëse ndërkombëtarët kanë ndryshuar qëndrimet e ashpra për djegien e mandateve dhe protestat, Basha tha se se faktori ndërkombëtar ka pasur gjithmonë shqetësim stabilitetin dhe kjo është e kuptueshme.
Por a do të ketë një tryezë tjetër e mbikëqyrur nga ndërkombëtarët. Për këtë Lulzim basha tha: Nuk do ketë një 2017 tjetër, Edi Rama e morri 2017 dhe e ktheu në dosjen 339. Shkatërroi procesin zgjedhor që të kapte tepsinë./ G.F Opinion.al
