Kryetari i Partisë Demokratike Lulzim Basha gjatë takimit të sotëm me mediat ka mbajtur qëndrime dhe ka folur me tone të ashpra lidhur me çështjen e ligjit per teatrin.
Ai u shpreh se ligji special Rama- Fusha është një provë gjenerale, që pasi ka shkatërruar 3 palë zgjedhje, pasi ka kapur dhe tjetërsuar reformën ne drejtësi, pasi ka bërë zap prokurorinë, pasi ka kapur mediat, pasi ka vënë ekonominë në duart e 5 klientëve të tij.
“Kjo është prova gjenerale për të shkatërruar ndarjen e pushteteve dhe për t’u shpallur Pasha i Pashallëkut të Shqipërisë”, tha Basha duke shtuar se pas ezaurimit të të gjithë hapave legjislativë, nëse këmbëngulet të shkohet në këtë drejtim, popullit i lind e drejta të rezistojë në të gjitha format dhe menyrat për të parandaluar që fati i teatrit të vijë në derën e shtëpisë dhe pronës së tyre.
“Nëse guxoni ti vini mina Teatrit Kombëtar do t’ja vëmë edhe kullave tuaja me ligj”, u shpreh Basha.
