Kreu i Partisë Demokratike, Lulzim Basha ka qenë i ftuar në çeljen e Akademisë Politike të PD-së për të rinjtë në qytetin e Durrësit ku dhe mbajti fjalën e hapjes.
Në fjalën e tij, kreu i PD-së Basha vlerësoi rolin e të rinjëve në PD si dhe në politikë. Ndër të tjera, ai kërkoi falje për gabimet e qeverisë “Berisha”.
Kreu i PD-së, tha se PD-ja ka gabuar dhe është e rëndësishme që të ulë kokën, të kërkojë ndjesë dhe të ecë përpara për këto gabime.
Ndërkaq, mes rreshtave, Basha ka thumbuar edhe kritikët brenda partisë së tij.
“Në politikë duhet t’i përgjigjesh kritikave dhe personit që ke përballë, dhe jo atij që flet dhe vepron mbrapa shpine”, tha Basha gjatë fjalës së tij.
