Në një konferencë për mediat pranë selisë blu, Basha i ka bërë edhe njëherë thirrje Edi Ramës për lirimin e të arrestuarve nga protesta e Kukësit. Ai ka shprehur mbështetje për qytetarët, duke kërkuar edhe njëherë prej tyre mos bindjen civile.
Sipas Bashës asnjë qindarkë e paguar nga qytetarët nuk përdoret për ato që duhet. Këto akte terrori që Rama po bën ushtrohen që mos të ngrihet zëri tha Basha. “ Diktaturat kështu veprojnë kur po ju vjen fundi”
Ai gjithashtu kërkoi arrestimin e Saimir Tahirit, vëllait të Fatmir Xhafaj, dhe Balilaj.
“I bëj thirrje shqiptarëve për mosbindje civile sepse asnjë nga këto taksa nuk shkon aty ku duhet. Mos paguani, nuk ka çfarë t’ju bëjë, nuk ju arreston dot të gjithëve. I bëj thirrje Ramës të tërheqë policinë nga Kukësi, të lirojë 23 të arrestuarit në mesnatë pas protestës. Arresto Saimir Tahirin, Xhafaj të arrestojë vëllain e tij. Mos u merr me njerëzit e thjesht”, përfundoi Basha.
