Kryetari i Partisë Demokratike Lulzim Basha, u ka bërë thirrje atyre që ai i quan oligarkë të pushtetit të Ramës, me të cilët kryeministri ndan tenderat, të kenë kujdes nga populli pasi i është sosur durimi. Në një postim në fb Basha shkruan
“Biznesit, qytetarëve, popullit i ështe sosur durimi. Katër ose pesë oligarkë thërret Rama për çdo tender, për çdo konçesion, për çdo pasuri kombëtare, dhe së bashku ata ndajnë thelat e pushtetit, së bashku ata ndajnë pasuritë e kombit, ndërsa shumica e shqiptarëve zhytet në mjerim. Kushdo që e denoncon këtë, dhunohet, ndëshkohet, burgoset, trajtohet si armik. Siç bënë me Nikollaq Neranxin, Flamur Hoxhën, Albert Naston, Artur Hoxhen edhe mijëra biznese të tjera që sot këtu i janë bashkuar lëvizjes sonë dhe unë i falenderoj për këtë.
Ne jemi ngritur të gjithë në këtë proteste madhështore, në këtë lëvizje mbarëkombëtare për ta ndalur padrejtesinë dhe për të siguruar gurin e themelit në demokraci, vullnetin e lirë të njerëzve, votën e lirë e të ndershme. #zgjedhjetëlira #ngrihemibashkë”
