Në një deklaratë për mediat, kreu i PD-së Lulzim Basha ka folur në lidhje me heqjen e ndihmës ekonomike, të cilën e ka quajtur “emergjencë kombëtare”. Ai ka bërë thirrjë qytetarëve të ngrihen për veten dhe të mos lejojnë Ramën të luajë me bukën e gojës.
“E mbani mend para 5 vitesh si tha më punësoni që tju punësoj. Pra, qytetarë të Beratit keni punësuar një parazit. Mos e lejoni të luajë me bukën e gojës së fëmijëve tuaj. Ne nuk do i ndahemi kësaj emergjence kombëtare. Përballja do jetë në parlament dhe kudo. Ju bëjmë thirrje atyre që gjenden në nevojë ekstreme të mos i nënshtrohen fatit.
Shumica dërrmuese e këtyre familjeve nuk kanë asnjë mundësi tjetër. Protestat e mëdha dhe të organizuara janë detyra e çdo qytetari. Ne i kemi organizuar, por çdo qytetar duhet të ngrihet për veten e tij. Duke nisur nga ju gazetarët”, deklaroi Basha.
