Kreu demokrat Lulzim Basha ka dalë pak minuta më parë në një takim me mediat për të biseduar mbi çështjet më të rëndësioshme të aktualitetit.
Ai e ka nisur fjalën e tij nga ligji për teatrin, duke e cilësuar një shkelje të të drejtave të qytetarit. “Asnjë ligj nuk mund të ndërtohet në mënyrë të tillë që të adresojë një individ apo çështje të veçantë”, tha Basha duke u shprehur njëkohësisht i habitur për mosreagimin e institucioneve ndërkombëtare dhe konkretisht Këshilli i Europës, OSBE apo Bashkimi Europian .
“Historia me kullat ka nisur fiks 20 vjet më parë, kur Edi Rama ishte ministër kulture. Kjo është lëvizje për të shkuur trashëgiminë kulture dhe për t’u shpallur pasha i pashallëkut të Shqipërisë”, tha ndër të tjera Basha duke e cilësuar mafioz projektin e teatrit.
