Kryetari i Partisë Demokratike, Lulzim Basha është shprehur nga zona e ish-Kinostudios në Tiranë se protesta e radhës do të rrëzojë kryeministrin Edi Rama.
Teksa ftoi qytetarët që t’i bashkohet tubimit të opozitës, Basha tha se ditën e diel do të largohet Rama dhe në këtë mënyrë do të çlirohet Tirana nga banda e hajdutëve, që sipas tij, i shërbejnë qeverisë.
“Kur do ta hidhni, kur do ta rrëzoni? Sot është rasti këtu në Tiranë, të flas fare hapur e sinqerisht me këdo që e bën këtë pyetje, sepse i ka ardhur aty ku smban më. Pyetja nuk i drejtohet vetëm Partisë Demokratike dhe vetëm Lulzim bashës as edhe vetëm opozitës. Rrëzimi i të keqes është detyrë kombëtare, ndaj përgjigjen po e jap unë, në emër të gjithë atyre që keni pyetur të dashur bashkëqytetarë se kur do ta rrëzojmë: Ejani të dielën në orën 19 në protestën tonë, bashkohuni me lëvizjen tonë, bëhuni pjesë e çlirimit të Tiranës, e çlirimit të Shqipërisë, nga kjo bandë hajdutësh dhe kriminelësh. Protestat dhe bashkimi popullor janë rruga e vetme e rezistencës, e përballjes, e largimit të të keqes, e rrëzimit të bandës kriminale në pushtet”,-tha Basha./ Opinion.al E.Xh.
