Kryetari i Partisë Demokratike, Lulzim Basha ka zhvilluar ditën e sotme një takim me Shefen e misionit të OSBE/ODHIR, ambasadoren Audrey Glover.
Basha shkuran se i ka shprehur mirënjohje Glover për kontributin e saj për reformën zgjedhore në Shqipëri, ndërsa shton se kjo reformë është e vetmja rrugë që vendi të dalë nga kriza.
Kryedemokrati ka thënë gjithashtu se opozita ka një strategji të qartë dhe se është momenti që të zbatohet pa humbur kohë.
Postimi i Bashës
Me drejtuesen e misionit të OSBE/ODHIR, ambasadoren Audrey Glover. I shpreha asaj vlerësimin për kontributin e vazhdueshëm të ODIHR për proceset zgjedhore në Shqipëri .
Reforma zgjedhore është vendimtare për ne dhe e vetmja rrugë për të dalë nga kjo krizë. T’ua hedhësh fajin të tjerëve është gjëja më e thjeshtë por nuk arrin askund! Ndaj ne duhet të besojmë dhe punojmë fort për ta realizuar këtë reformë. Opozita ka një strategji të qartë dhe është momenti për ta zbatuar pa humbur kohë!
Të gjithëve na takon të punojmë pa u lodhur për të ndërtuar një të ardhme më të mirë për fëmijët tanë.
Një të ardhme ku të kemi një qeveri me të vërtetë të njerëzve, të zgjedhur nga njerëzit dhe që punon vetëm për njerëzit!/ Opinion.al E.Xh.
