Kreu i Opozitës, Lulzim Basha Partisë vijoi takimet me qytetarët e Shqipëisë, duke u ndalur në Gjirokastër. Basha vuri dhe njëherë tjetër theksin te protesta e 16 shkurtit dhe nevoja për pjesëmarrje masive. Ai ftoi banorët të marrin në duar fatet e tyre, për të përmbytur atë që e quajti sistem të kalbur, dhe gangrenë për zhvillimin dhe integrimin e Shqipërisë.
“Ky është një grusht shteti i bërë jo nga oficerë, por nga një grusht oligarkësh për të mbajtur vendin peng. Nuk i bëhet vonë që Gjirokastra braktiset çdo ditë. Ne duhet t’i japim fund këtij sistemi, pasi ky sistem nuk ju mbron dhe nuk ju shërben. Ky është sistem që është ka asgjësuar mirëqenia e gjithë shqiptarëve.
Ky është sistemi që pasuron vetëm një grup oligarkësh. Nuk ka rrugë tjetër që mund të na çojë drejt mirëqenies përveç rrugës evropiane, por ajo derë do qëndrojë e mbyllur përderisa kjo qeveria nuk ka ardhur në pushtet me votën e qytetarëve, por me ndihmën e krimit. Pa përmbysur këtë sistem të kalbur vendi nuk ka të ardhme. Koha për fjalë ka mbaruar. Në datën 16 shkurt ejani flisni me pjesëmarrjen tuaj. Të bashkuar të hapim rrugën e bllokuar nga kjo klikë oligarkësh”- tha ndër të tjera Basha. /E.M
