Kryetari i Partisë Demokratike Lulzim Basha, zhvilloi këtë të hënë një bashkëbisedim virtual me reporterin Joseph O’Reilly nga Irlanda, me reporterë të EPP/CD si dhe me Petter Eide nga Norvegjia.
Gjatë fjalës së tij, Basha është ndalur tek situata e ditëve të fundit dhe vrasja e 25-vjeçarit, Klodian Rasha, nga një efektiv i Policisë së Shtetit si dhe përpjekjet për të manipuluar vrasjen.
Mësohet se gjatë bashkëbisedimit Basha, informoi reporterët edhe për pengimin e së drejtës së informimit me shoqërimin dhe dhunimin e disa gazetarëve, gjatë protestave duke sjellë një shkelje flagrante të lirisë së medias në vend.
Po ashtu, mësohet se gjatë bashkëbisedimit është diskutuar edhe për çështje të tjera si zhvillimet e fundit të situatës së pandemisë, ekonomisë dhe politikës./ Opinion.al
