Pas takimit elektorale të kryedemokratit Lulzim Basha në Kavajë, ku dhjetëra qytetarë, duke mos respektuar masat anti-COVID, e pritët nën thirrjet “Rama ik”, ka reaguar Policia e Shtetit.
Në një reagim zyrtar, policia thotë se është e shqetësuar për mosrespektimin e rregullave anti-COVID nga mbështetësit e subjekteve politike.
Policia bën thirrje për respektimin e këtyre rregullave nga të gjitha partitë gjatë kohës së fushatës dhe se deri kur rregullat në fuqi do ta ndalojnë grumbullimi e mbi 10 personave, Policia e Shtetit është e detyruar të penalizojë shkelësit.
Autoritetet i kërkojnë subjekteve politike bashkëpunim ose në të kundërt penalizimet me gjobat përkatëse do të jenë të pashmangshme./ Opinion.al
