Lideri demokrat ka takuar mesditën e sotme ministrin e Brendshëm italian, Marco Minniti në ambientet e ambasadës italiane, edhe pse ky takim nuk ishte në axhendën zyrtare të vizitës së Minnitit në vendin tonë.
Pas takimit, Basha tha një prononcim për mediat, se “mora garanci nga ministri Minniti se Italia do të vazhdojë të mbështesë Shqipërinë në goditjen e krimit të organizuar dhe trafikut të drogës”.
“Vlerësoj mesazhin e Minnitit për goditjen e të paprekshëmve”, theksoi Basha, duke shtuar se “nga ana tjetër ai vlerësoi rolin e opozitës shqiptare, si një opozitë e përkushtuar në luftën kundër krimit të organizuar. E sigurova që ne do vazhdojmë betejen në mënyrë që në Shqipëri të mos ketë të paprekshëm”.
Pyetje: A folët për çështjen Tahiri?
Basha: Nuk bëj komente për çështe të veçanta.
/Opinion.al
