Kryetari i Partisë Demokratike, Lulzim Basha, zhvilloi ditën e sotme një takim me delegacionin e KiE.
Pas takimit, Basha shprehet se Shqipëria e ka jetike mbështetjen nga partnerët dhe miqtë pasi krimi e korrupsioni të lidhura me politikën po gërryejnë themelet e shoqërisë dhe shqiptarët po largohen çdo ditë.
Kryedemokrati deklaron se po punohet për një rrugë dalje nga kriza, duke theksuar se ajo kalon nga garantimi i votës së lirë.
Reagimi i Bashës
Gjatë takimit me Presidentin e Kongresit të Autoriteteve Lokale të Këshillit të Europës, Z. Anders Knape, Sekretarin e Përgjithshëm Andreas Kiefer, Presidenten e Dhomës së Rajoneve znj. Ms Gunn Marit HELGESEN, Presidentin e Dhomës së Autoriteteve lokale z. Xavier CADORET, dhe delegacionin që i shoqëronte, ju shpreha mirënjohjen për vëmendjen që ky institucion ka treguar përherë ndaj vendot tonë. Shqipëria e cila ndodhet në një krizë të thellë politike dhe ekonomike, ku korrupsioni e krimi i lidhur me politikën po gërryen themelet e shoqërisë dhe shqiptarët po largohen çdo ditë, e ka jetike ndihmën dhe mbështetjen e miqve dhe partnerëve tanë. Rruga për daljen nga kriza kalon nga zbatimi i standarteve demokratike europiane, forcimi i rolit të qytetarëve që nis me garantimin e votës, duke ju dhënë mundësi atyre, që të lirë nga diktati i krimit dhe paratë e korrupsionit, të vendosin për qeverinë e tyre vendore dhe qendrore sa më shpejt./ Opinion.al
