Kryetari i Partisë Demokratike, Lulzim Basha, ka sulmuar edhe njëherë kryetarin e Bashkisë Durrës, Vangjush Dako, duke e cilësuar si shëmbëlltyrë e regjimit që sundon sot Shqipërinë.
Deklratën Basha e bëri gjatë një takimi me biznesin në Durrës.
“Axhenda normale e interesit publik është axhenda e punësimit, gjallërimit të ekonomisë dhe luftës kundër varfërisë. Këtu në Durrës është shembulli se si në nivel lokal ka degjeneruar në formën e shëmbëlltyrës së Vangjush Dakos, i cili është edhe kryebashkiak i votave të vjedhura, edhe autori i vjedhjes së votave të 2017-ës, përfituesi kryesor i betonizimit të Durrësit, njeriu që ka shkelur çdo rregull, çdo parametër urban, për çdo leje ndërtimi që ka dhënë në këtë qytet, dhe njeriu që përcakton që betonierët mund të kalojnë vetëm nëse janë të kompanisë së tij dhe vetëm njerëzit që janë lidhur me të mund të punojnë dhe të ecin përpara. Është shëmbëlltyra e regjimit që sundon sot Shqipërinë”, tha Basha.
