Luzlim Basha nuk pranon ftesën për dialog të bërë nga Edi Rama. Kryedmeokrati nga selia e PD-së tha se takimi i vetëm që ai mund të bëjë është me qindra mijëra shqiptarë në 16 mars.
“Takimi i vetëm që unë kam është ai me qindra dhe mijëra shqiptarë me datë 16 Mars në protestën e madhe kombëtare, natyrisht edhe takime të tjera para Asamblesë së Krimit që ka uzurpuar ndërtesën e Kuvendit”, tha Basha.
LEXO EDHE- Sa shanse ka për një takim Rama-Basha
I pyetur se pse nuk pranon ftesën për dialog, Basha u përgjigj: “Me kë të dialogësh? Me Rrajën? Me Qyrbjen? Me kë? Apo me Vangjush Dakon? Nuk bëhet fjalë vetëm për një përplasje mes partish, bëhet fjalë për fatin e shqiptarëve. Mund të vazhdohet më kështu? Me një qeveri të kapur në flagrancë duke vjedhur votat”.
Duke folur për deklaratat e ndërkombëtarëve, Basha u shpreh se ata nuk e njohin realitetin në Shqipëri dhe se nuk mund të kërkojnë atë që nuk mund të kërkojnë për vendin e tyre. Lidhur me faktin se një pjesë e personave që u është ofruar mandati e kanë pranuar, Basha tha se kjo tregon se sa i kalbur është sistemi.
“Nuk i trembemi asgjëje, kjo tregon se sa i kalbur është sistemi. Të kemi parlament me standarde dhe jo një Kuvend të bëre me votat e vjedhura të krimit. Të kemi parlament të zgjedhur nga populli. Ndërkombëtarët nuk janë të informuar”, u shpreh ai./ Opinion.al
