Kryetari i Partisë Demokratike, Lulzim Basha ka ngritur sot alarmin në lidhje me situatën e pandemisë në Shqipëri pasi deklaroi se realisht janë 2500 raste ditore të infektuarish.
Gjatë bashkëbisedimit me gazetarët, Basha u shpreh se ekspertë shqiptarë të infektologjisë sipas tij thonë se numri real i infektimeve është shumë më i lartë se ai që raportohet.
“Vetëm dje, mjekë specialistë, infektologë dhe ekspertë shqiptarë që po ndjekin infeksionin nga jashtë, thonë se numri real i infeksioneve në Shqipëri është shumë i lartë. Bëhet fjalë për 2500 infeksione në ditë. Ajo që mund të themi është se numri i raportuar i të infektuarve është shumë më i ulët se ai real. Si çdo gjë tjetër me këtë kryeministër edhe transparenca për COVID është kthyer në funksion të propagandës, kjo nuk e fsheh praninë e virusit në një shkallë të madhe në vend.”, tha Basha.
“Në spitalin e matit janë mbyllur disa pavijone si pasojë e infektimit të mjekëve. Dhjetëra e qindra pacientë nuk do të marrin shërbimin në këto spitale. Në një gjitha spitalet kryesore të Tiranës infektimi i mjekëve është kthyer në një problem kronik.”, shtoi kryedemokrati. /Opinion.al
