Kryetari i Partisë Demokratike, Lulzim Basha ka reaguar përsëri në lidhje me situatën në të cilën ndodhet shëndetësia në vendin tonë.
Përmes një postimi në “Facebook”, Basha shkruan se kryeministri Edi Rama i gënjeu qytetarët për shëndetësi falas, ndërsa e akuzon atë për korrupsion.
Sipas Bashës “Shqipëria ka një sistem shëndetësor në kolaps total, me numrin më të ulët të testimeve, me numrin më të ulët të mjekëve për banor, me mjekë dhe infermierë të paguar keq.”
Reagimi
Rama pati 8 vite për të përmbushur premtimin për shëndetësi falas. Ku është shëndetësia falas? Rama ka rritur taksat – ku shkuan paratë e taksave të shqiptarëve? Rama ua dha paratë tona miqve të tij.
Sot, Shqipëria ka një sistem shëndetësor në kolaps total: me numrin më të ulët të testimeve, me numrin më të ulët të mjekëve për banor, me mjekë dhe infermierë të paguar keq.
Tani, pas 8 vitesh dështime, Rama po flet për atë që do të bëjë. Pas 8 vitesh dështime, Rama nuk mund të zgjidhë asgjë. Ne mundemi. Më 25 prill ne do të sjellim ndryshimin – Rama do të humbasë dhe Shqipëria do të fitojë.
