Kryetari i Partisë Demokratike, Lulzim Basha ka mbërritur ditën e sotme në ambientet e spitalit të Traumës, ku ndodhet i shtruar sekretari organizativ i selisë blu, Sahit Dollapi.
Ky i fundit u lëndua gjatë përplasjes me policinë mbrëmjen e djeshme. Pamjet e publikuar në media tregojnë momentin e shoqërimit të Dollapit, i cili dhunohet nga efektivët e policisë.
Mëngjesin e sotëm u konfirmua se sekretari organizativ i selisë blu nuk është i arrestuar, ndërsa policia ishte larguar nga ambientet e spitalit rreth orës 2 të mëngjesit të sotëm.
Kryedemokrati ka qëndruar pak minuta në ambientet e spitalit të Traumës, ndërsa për mediat deklaroi se protestat do të vijojnë.
“Mjekët po e mbajnë nën kontroll, pasi ka marrë shumë dëmtime nga arrestimi i policisë”-theksoi Basha./ Opinion.al Xh.
