Kryetari i Partisë Demokratike, Lulzim Basha, ka folur nga selia blu pas deklaratave të kryeministrit Edi Rama, të bëra sot në konferencë me gazetarët për shëndetësinë.
Basha në një deklaratë për mediat u shpreh se Rama vetëm mashtron, pasi sipas tij ka pasur 8 vite kohë që të mbante premtimet e tij dhe të reformonte shëndetësinë. Sipas Bashës, Rama me konferencën e mbajtur kërkon t’i kundërvihet planit të Partisë Demokratike për shëndetësinë.
“Ka tetë vite në krye të qeverisë, ka patur 8 vite kohë premtimin për shëndetësinë falas. Le t’i drejtohemi çdo shqiptari? Ku është shëndetësia fals? Pse paguajnë akoma? Taksat u janë marrë, faturat janë rritur. Shqipëria sot ka një sistem shëndetësor në kolaps, me numrin më të ulët të testimeve, me numrin më të ulët të mjekëve për banor, kanë vetëm Tiren. Në fund të 8 viteve del dhe rri tre orë në ekran e tregon se çfarë do të bëjë. Pse e bën sot nuk ka pasur kohë më parë, del për t’iu kundër vënë planin tonë. Vetëm një gjë ka bërë ua ka marrë paratë shqiptarëve dhe ua ka dhënë miqve të tyre.
Nuk ia vlen të merremi me atë që pas 25 Prillit është e shkuara, të merremi me atë që do të bëjmë në vijim. E para që do të bëjmë është të kthejmë stabilitetin. Plani ynë për shëndetësinë është arsyeja e vetme që Edi Rama del dhe u vjedh shqiptarëve 3 orë në ditë”, tha Basha.
Më herët në konferencë për shtyp Rama tregoi planet për reformimin e shëndetësisë duke theksuar se nuk do të ketë mjekë që punojnë në shtet dhe privat./Opinion.al
