Në ditën e 11-të, të protestës se Partisë Demokratike iu bashkuan edhe ish-deputeti i PD-së Mark Marku dhe opinionisti Agron Gjekmarkaj. Kreu i Partisë Demokratike tha se shteti është bërë njish me krimin, ndërsa rilindasit kanë ngritur me bandat e tyre shtabet elektorale. Sipas Bashës krimi po vë në rrezik zgjedhjet e ardhshme dhe reforma ne drejtësi është në rrezik.
“Në çdo fshat dhe qytet të Shqipërisë rilindësit kanë ngritur shtabet e tyre elektorale me trafikantë droge si Artur Bushi, trafikantë si Arben Ndoka etj. Këta njerëz duan të kapin zgjedhjet e ardhshme. Ky vend ka njohur diktatorë, por nuk ka njohur shtetin të bërë njish me krimin. Ky është rreziku më i madh që i kanoset çdo shqiptari.
Prandaj janë vërsulur me shtabet e tyre kriminale. Njeriu që ka bërë këtë të mundur është ai që i themi kryeministri Rama. Krimi i bërë njish me pushtetin vë në rrezik zgjedhjet dhe drejtësinë. Sepse krimi zhduk drejtësinë e pakapur. Kush e beson se mund të ketë drejtësi të vërtetë kur kemi bandat në pushet dhe një qeveri të kapur nga krimi, gabohet. Kjo është e pamundur. Drejtësia dhe demokracia shkojnë bashke dhe janë të pazgjidhura. Nëse do zgjidhnim prokurorë dhe gjyqtarë të ndershëm ata do ishin në shënjestrën e mafies dhe të narkotrafikantëve. Kjo nuk është drejtësi, por padrejtësi.
Kush mund tu thotë se në Shqiptarë ka vetting me këta banda nuk ja do të mirën vendit. Të gjithë zërat evropiane janë me ne. Ata mbështesin idenë për zgjedhje të lira dhe të ndershme. Liria e media është problem kryesorë në betejën tonë. Kjo betejë njësoj si beteja për zgjedhje të lira dhe të ndershme to fitohet. Një grup oligarkesh po bëjnë dhe do bëjnë gjithçka për të na ndalur. Kjo pakicë është përballë shumicës. Ata do bëjnë gjithçka për të na lodhur shkurajuar, trembur dhe goditur.
Por shqiptaret që kanë vendosur që të mos e lënë fatin e tyre në duar e krimit dhe të pushtetit të tij po luftojnë. Fitorja e sheshit të lirisë është fitorja e Shqipërisë demokratike. Republika e re nuk do ketë vend për kultin e individit. Kjo nuk është shpikje dhe pronë e Lulzim Bashës. Por do të jetë republike e standardeve evropiane dhe amerikan. Kjo është një garanci për balancën. Ajo do ketë mekanizma që askush nuk do të abuzoje me pushtetin. Këta mekanizma do përcaktohen që në fillim” tha Basha.
