Lulzim Basha nga juglindja e vendit ka thënë se nuk do të ketë zgjedhje më 30 qershor. Nga një aktivitet me anëtarësinë e Partisë Demokratike, Basha tha se çdo tentativë për proces zgjedhor do të përballet me rezistencën e të djathtëve në çdo lagje dhe kuti votimi.
“Më 30 qershor nuk do të ketë zgjedhje lokale. Çdo tentativë për një proces fals të diktuar nga krimi do të përballet me rezistencën totale lagje më lagje, kuti votimi për kuti votimi… Nuk do të ketë zgjedhje në 30 qershor”, tha kreu i PD-së.
Sot në Tiranë, Federica Mogherini tha se nuk do të negociojë për krizën, duke i bërë thirrje opozitës të mos cenonte proceset demokratike në vend. Nga ana tjetër, kryeministri Edi Rama përsëriti në sy të përfaqësues së lartë të Bashkimit Europian se zgjedhjet lokale do të zhvillohen më 30 qershor./Opinion.al
