Kreu i Partisë Demokratike, Lulzim Basha, sot, nga çadra e protestës ka deklaruar se Republika e Vjetër po bën gjithçka për të mbajtur në këmbë këtë klikë të inkriminuar.
Basha tha se ata duhet t’a dinë se me votë të lirë, gjykimi do të jetë i drejtë dhe i pamëshirshëm kundrejt kësaj qeverie.
Më tej, ai, theksoi se çmimet janë rritur, ndërsa fuqia blerëse ka rënë. Sipas tij, shqiptarët e kanë më të vështirë të gjejnë një vend pune aty ku ekonomia tkurret, ditë për ditë.
“Rreth 3 milion e 140 mijë banorë në gjendjen civile ishin kur Rama e mori pushtetin, sot, janë vetëm 2 milion e 700 mijë. Kjo qeveri i ka detyruar të largohen, duke i vrarë shpresen për një të nesërme më të mirë”, tha Basha.
Kreu i opozitës, nënvizoi se taktika e tyre konsiston në shkurajimin e anëtarëve të kësaj levizjeje popullore, përmes kërcënimeve dhe gënjeshtrave ose të blejmë ballin e kësaj levizjeje popullore që është opozita e bashkuar.
“Në funksion të kësaj të dytës kanë nxjerr në treg edhe postin e Presidentit. E kanë nxjerrë në Pazar për të joshur politikën, që opozita të braktisë fatet e qytetarëve. Rama dje ka marrë përgjigjen. Ne nuk pranojmë Pazar politik në kurriz të kauzës për zgjedhje të lira dhe të ndershme. Presidenti në konceptin e Republikës së Re i takon popullit dhe të zgjidhet nga populli me votë direkte”, tha ai.
Basha pyeti se për çfarë arsye, pas 24 orësh, nga ky propozim Rama dhe Meta kanë heshtur? Ndërsa, pyet përsëri: Pse? Sipas tij, është futur populli në mes. Basha tha se populli e prish pazarin e tyre, u prish gjithçka për pasurinë dhe pushtetin e tyre, por asgjë për qytetarët.
