Kryeministri Rama është kthyer të marrë pjesë në seancë plenare, pas mungesës në fillimin e saj.
Më herët kërkesën për praninë kryeministrit në seancë për të dhënë llogari për përgjimet e publikuara nga Zëri i Amerikës, e bëri edhe opozita në Kuvend.
Kryetari Lulzim Basha i është drejtuar Ramës nga vendi me thirrjen që të tërhiqet nga detyra si kryeministër, pasi ndryshe do ta shkulë në bashkëpunim me popullin.
“Besoj e morët vesh, që gara për Unazën e Re dështoi. Dështoi sepse një ofertues solli një ofertë me 5 milion euro më pak. Kjo ju prishi punë. Pasi fituesin e kishit paracaktuar dhe ku do të ishte kompania Gjoka, që ju ka dhënë edhe kapar. Ty të parin do të të shkulim nga ajo karrige dhe nuk do këtë as ABI Banke, as lobist që të të mbrojë. Thirri mendjes, para se të të shkulim nga ajo karrige”, iu drejtua Basha-Ramës. D.l
