“Shporrja me çdo kush me çdo mjet, me çdo formë. Kjo është dhunë antikushtetuese, është dhunë kriminale, është dhunë antiligjore. Kjo hajdutëri do të marrë të njëjtën përgjigje që merr hajduti që futet për të vjedhur natën në shtëpitë e qytetarëve”.
Kështu deklaroi kreu i PD-së, Lulzim Basha nga Devolli, një ditë më parë pasi pati përplasje mes forcave të policisë dhe mbështetësve të opozitës në lidhje me lirimin e Bashkisë.
“Pakica kriminale 6 % ka uzurpuar aktualisht, në mënyrë hajduteske, godinën e bashksië së Devollit. Shpejt do ta shporrim këtë pakicë kriminale nga Devolli dhe nga e gjithë Shqipëria. Me pushtimin e bashkisë si hajdut, me pushtimin e pushtetit vendor si kriminel dhe me tentativën për t’i mbivendosur vullnetit të mbi 94% të qytetarëve të Devollit, vullnetin e kriminelëve dhe hajdutëve që mezi e nxorën 6% të votave në procesin e paligjshëm dhe antikushtetues të 30 qershorit”, tha Basha, ndërsa paralajmëroi se “nesër i njëjti fat që e pret hajdutin e Bashkisë së Devollit, e pret edhe hajdutin e madh në Tiranë dhe të gjithë hajdutët e tjerë”./ Opinion.al
