Kryetari i PD, Lulzim Basha pas takimit me ambientalistë dhe përfaqësues të AKIP kërkoi miratimin e një moratoriumi për importin e mbetjeve deri në mbajtjen e referendumit. Ai tha se Rama e konsideron Shqipërinë si një burg, ku vetë ai është një drejtor psikopat.
Basha: Jo vetëm anulloi këtë ligj në 2013, por në 2014 me një VKM në mbështetje të anullimit të ligjit krijoi një detyrim ligjor që brenda vitit 2016 të gjitha bashkitë e vendit të përfundonim me mështetjen qeveritare procesin e diferencimit të mbetjeve me anë të të cilës, e para do të arrihej një pastrim më i mirë i Shqipërisë nga mbetjet dhe e dyta do të arrihej një objektiv sekondar ai i përpunimit të riciklimit të tyre. Sot Edi Rama ka dështuar të zbatojë VKM që vetë miratoi. Shqipëria është e mbuluar nga plehrat.
Në vend që të pranojë dështimin dhe të marrë masat për zbatimin e VKM që ka firmosur…çfarë thotë Edi Rama? jo vetëm që nuk do të pastrojë plehrat e bashkive, por tani që nuk pastroj dot plehrat e Shqipërisë do ju sjell edhe plehrat e Evropës.
Pafytyrësi politike e një qeveritare që ja ka lënë peng Shqipërinë krimit dhe kartelit të drogës.
Pafytyrësi i një njeriu që e konsideron Shqipërinë jo një vend me qytetarë të cilëve iu ka marrë votën dhe ka detyrimin ti shërbejë, por një burg të madh ku ai sillet drejtori psikopat dhe i droguar i këtij burgu.
Ne jemi të bashkuar me Shoqërinë Civile për të ndalur importin e plehrave, por jemi të bashkuar për të rikthyer votën e qytetarit, zgjiedhjet e lira dhe të ndershme dhe për këtë drejtori psikopat i burgut duhet të largohet një orë e më parë.
Na bashkon ky ligj për të cilin qëndrimi ynë është i qartë. Të miratohet dekreti i Presidentit, të miratohet një moratorium për importin i plehrave derisa qytetarët të shprehen me referendum sepse ky vendim nuk i takon më asnjë qeverie, por i takon qytetarëve. Deri në atë moment të miratohet dekreti i Nishanit dhe bashkë me të edhe një moratorium i plehrave.
