Kreu i Partisë Demokratike, Lulzim Basha ka zhvilluar sot një takim me anëtaret e rinj të kësaj parie në zonën e Farkës.
Basha tha para tyre se vendi meriton një të ardhme më të mirë, por kjo gjë mund të arrihet vetëm duke larguar Edi Ramën nga posti i kryeministrit.
Kryedemokrati e cilësoi kryeministrin si “përdhunues” të zgjedhjeve,pasi sipas tij ka manipuluar rezultatet.
Ai theksoi dhe njëherë se kushti i vetëm për të shkuar në zgjedhje është krijimi i qeverisë tranzitore.
“Përdhunuesi serial i zgjedhjeve shqiptare, që duhet të largohet njëherë e mirë. Këtë qershor Shqipërisë nuk i hapen negociatat. Nuk ka hapa para por mbrapa, këto pasoja i vuajnë shqiptarët e thjeshtë, të rinjtë. Si mund të zgjidhet kjo? ka vetëm një rrugë, është rruga që nis me dorëzimin e sendit të vjedhur tek i zoti. Sendi i vjedhur është vota, i zoti jeni ju.
Largimi i Ramës është i panegociueshëm për ne. Qeveria tranzitore është e vetmja rrugë për zgjidhjen e krizës poltike. Ne s’mund të ishim më fasada e teatrit të kriminelëve, e dëgjuam thirrjen tuaj dhe hodhëm një hap të paprecedentë, atë të djegies së mandateve”, shtoi kryedemokrati.
Duke çliruar ekonominë, qeverisjen nga krimi ne do të kthejmë mundësi për punësim, do i kthejmë bujqësisë, sektorit që punëson shumicën e shqiptarëve, jo thjesht shpresën, po do ju japim subvencione direkte pa nipt, pa burokraci, vetëm me kartë identiteti njësoj si Maqedonia e Kosova”,-tha Basha. Opinion.al E.Xh.
